Viktor Kuka i bashkohet Feronikelit
10.9.2020 - 18:35
Feronikeli ka zyrtarizuar transferimin e mbrojtësit të djathtë, Viktor Kuka.
Kuka i bashkohet skuadrës nga Drenasi, nga Ferizaji i cili luajti në sezonin e kaluar.
30 vjeçari më herët është shpallur kampion me Prishtinën në vitin 2013 dhe me Dritën në vitin 2018.
Kuka ka thënë se është i lumtur që iu bashkua Feronikelit.
“Për mua është një sfidë e re, jam i lumtur që jam pjesë e Feronikelit, klub i cili ka ambicie të mëdha. Nuk është hera e parë që luftoj për titull dhe shpresoj që titullin ta sjellim në Drenas”, ka thënë Kuka për faqen zyrtare të klubit të Feronikelit.