VIDEO - Derbi Drita – Gjilani, përleshja mes tifozëve dhe mungesa e policëve
26.9.2021 - 17:43
Derbi Drita – Gjilanit gjatë ditës se sotme u shoqërua edhe me rrahjen e tifozëve dhe mungesën e policëve në momentin e përleshjes së tifozëve.
Pas përfundimit të pjesës së parë u përleshën tifozët e këtyre dy skuadrave, përleshje e cila zgjati disa minuta.
Ajo që u vërejt në momentin e përleshjes ishte mungesa e Policisë së Kosovës.
Në momentin e përleshjes ishin prezentë vetëm dy policë.
Rrahjen e ndalën sigurimat e ndeshjes të cilët janë të siguruar nga klubi i Dritës që ishte sot në cilësinë e vendasit.
Pjesa e dytë filloi me vonesë, pasi u kërkua siguri nga delegati i ndeshjes që mos të ndodhnin incidente të tilla.
Një numër i madh i policëve erdhën në stadium me të filluar pjesa e dytë.
Këtë takim e fitoi Gjilani me rezultat 0-2.