Të shtunën gjyqtarët e futbollit do të testohen për coronavirus
26.5.2020 - 21:01
Federata e Futbollit e Kosovës, ka bërë të ditur se të shtunën në stadiumin “Fadil Vokrri”, do të mbahen testet fizikë për gjyqtarët e futbollit, të cilët po ashtu do të testohen për coronavirus.
Po ashtu do të testohen edhe vëzhguesit e gjyqtarëve.
Gjyqtarët dhe vëzhguesit e gjyqtarëve të cilët do të testohen janë vetëm nga Superliga, ka njoftuar FFK.
Pjesëmarrësve iu është kërkuar që mos të marrin ndonjë shoqërues me vete, duke u kujdesur që t’i mbajnë maskat dhe dorëzat duke e mbajtur distancën fizike prej dy metrave.
Futbolli në Kosovës do të nis me ndeshjet e para të gjysmëfinaleve të Kupës së Kosovës që luhën më 2 dhe 3 qershor.