Agim Ademi, kryetar i FFK-së. Foto: Kallxo.com
Sulmohet fizikisht kryetari i Federatës së Futbollit të Kosovës
19.10.2021 - 13:21
Sot gjatë ditës është sulmuar fizikisht kryetari i Federatës së Futbollit të Kosovës, Agim Ademi.
Këtë e ka konfirmuar për KALLXO.com, zëdhënësja e Policisë së Kosovës për rajonin e Prishtinës, Flora Ahmeti – Haziraj
‘’Rreth orës 11:00, jemi njoftuar për një sulm fizik në parkun e Gërmisë, ku lëndime trupore ka pësuar një person. Nga ana e policisë është nisë një hetim lidhur me rrethanat që karakterizojnë këtë rast’’, ka thënë ajo për KALLXO.com.
KALLXO.com ka provuar të kontaktojë edhe me kryetarin e Federatës së Futbollit të Kosovës, Agim Ademi por që i njëjti nuk ka pasur qasje në telefon.
Rasti po vazhdon të hetohet nga ana e organeve të rendit.
KALLXO.com do t’iu mbajë të informuar lidhur me ketë rast.