Sot zhvillohen dy takimet e fundit të xhiros së katërt në Superligë

Sot do të zhvillohen edhe dy ndeshjet e fundit të kësaj jave në Superligën e Kosovës në futboll.

Ferizaj do ta presë në shtëpi skuadrën e inkuadruar këtë sezon në Superligën e Kosovës, Vushtrria.

Tek kampi i Vushtrrisë sot pritet të debutojë edhe trajneri i ri italian, i cili iu është bashkuar së fundi skuadrës.

Ferizaj vjen në këtë takim pas dy humbjeve të pësuara ndeshjet e kaluara, njëjtë është edhe skuadra e Vushtrrisë e cila ndeshjen e kaluar ka pësuar humbje nga Gjilani.

Ndeshja tjetër zhvillohet në Prishtinë, ku skuadra e Flamurtarit e pret skuadrën e Dukagjinit. Të dyja këto ndeshje fillojnë nga ora 16:00./21Media