Sonte zhvillohet “El Clasico” i basketbollit në Kosovë

Sonte duke filluar nga ora 20:00 në Pejë na pret “El Clasico” i basketbollit në Kosovë.

Peja si organizatore e Kupës së Kosovës pret rivalin e vjetër Sigal Prishtinën.

Sa herë që janë përballur këto dy skuadra nuk ka munguar spektakli. Edhe sonte pritet të jetë një përballje interesante.

Gjatë këtij edicioni të dy ekipet janë përballur tre herë mes vete, ku pejanët kanë dy fitore ndërsa një fitore i ka takuar kryeqytetasve.

Përballjet në Kupë rritin adrenalinën, andaj pritet një sfidë shumë e bukur në Pejë.

Bardhekaltrit janë fitues aktualë të Kupës, kurse verdhezinjtë shpresojnë ta fitojnë pasi organizohet në qytetin e tyre.