Robin Krasniqi “ia vë kapakun” mbrëmjes në “Audi Dome”, mposht numrin një të Belgjikës

Boksieri shqiptar, Robin Krasniqi, ka fituar meçin ndaj numrit një të Belgjikës në boks, çeçenit me nënshtetësi belge, Timour Nikarkhoev.

Krasniqi “ia ka vërë kapakun” me këtë fitore, gala mbrëmje që po mbahet në “Audi Dome” në Mynih të Gjermanisë.

Kështu, me Krasniqin bëhen shtatë shqiptarë që kanë fituar në këtë mbrëmje.

I pari që fitoi nga shqiptarët ishte, Valon Ahmeti, më pas ishte Kushtrim Tahirukaj, Isuf Kelmendi, Armend Xhoxhaj, pastaj ishte boksieri tjetër shqiptar Musa Avdimetaj, apo siç njihet, James Kraft dhe Shefat Isufi.

Robin Krasniqi meçin e fundit e kishte ndaj Dominik Bozell ku u mposht në vitin 2021. Haxhi Krasniqi deri më tani ka zhvilluar 58 ndeshje, prej tyre 51 i ka fituar dhe ka 7 disfata. Ky pritet te jetë meç kthese në karrierën e Krasniqit i cili mëton që edhe një herë ta fitoje titullin e botës në kategorinë super të mesme. Ai deri më tani ka dy breza botëror në WBO dhe IBO në boksin profesionist. Krahas meçit kryesor të mbrëmjes, Krasniqi – Nikarkoev, do të zhvillohen edhe disa meçe tjera./Dukagjini