Prishtina në epërsi ndaj Drenicës me dy golat e Ahmed Januzit
Prishtina e ka mbyllur pjesën e parë të ndeshjes me Drenicën me epërsi 2-0.
Vendasit e nisën mirë ndeshjen me Oto Johnin duke e krijuar rastin më të mirë në minutën e 22’ duke u gjendur përballë vetëm me portierin Arion Ymeri, por ky i fundit tregohet i vëmendshëm dhe pret goditjen e sulmuesit të Prishtinës.
Mesfushori i vendasve Endrit Krasniqi goditi afër portës në minutën e 27’.
Kryeqytetasit kaluan në epërsi në minutën e 29’ me Ahmed Januzin duke e shfrytëzuar pasigurinë e mbrojtësit Armin Mujkiç.
Goditjen e parë Drenica e bëri me Hasan Hysenin në minutën e 42’ duke goditur jashtë portës.
Në minutën e 43’ Prishtina e dyfishoi epërsinë me Januzin pas një asistimi të bukur nga kapiteni Armend Thaçi.
Prishtina – Drenica luhet në kuadër të ndeshjes së parë të gjysmëfinales së Kupës së Kosovës në futboll, në stadiumin “Fadil Vokrri”, në Prishtinë.
Kjo ndeshje luhet pa praninë e tifozëve për shkak të masave për mbrojtje nga COVID-19.