Prishtina në 30 ditët e kampionatit – Pasion, Adrenalinë, Gëzim e Hidhërim

Ndonëse ishte shumë afër, kombëtarja e Kosovës nuk arriti të jetë pjesë e Kampionatit Evropian të vitit 2020.

Mirëpo ky fakt i hidhur, nuk i ndali qytetarët kosovarë për gjatë një muaji që të ishin pasionantë ndaj secilës ndeshje që u zhvillua.

Kombëtarja e Italisë në futboll u shpallë kampion mbrëmë më 11 korrik kur në Wembley mposhtën vendasit, Anglinë pas goditjes së penaltive.

Të ngarkuar për më shumë se një vit me lajme të hidhura e qëndrim të shumët brenda, sigurisht që kampionati evropian ka qenë një lajm i mirë për të gjithë , përfshi edhe ata që nuk ndjekin në vazhdimësi sportin më të popullarizuar në botë, futbollin.

Në Kosovë, pothuajse të gjitha baret dhe lokalet kanë bërë transmetimin e ndeshjeve të EURO2020.

Disa herë organizime ka pasur edhe nga institucionet lokale.

Zvicra për shkak të lidhjes me futbollistët e saj, Italia, Anglia, Gjermania, Franca, Portugalia por edhe kombëtare të tjera kanë pasur tifozë të jashtëzakonshëm në Kosovë.

KALLXO.com u sjellë një kolazh të fotografive që janë bërë gjatë 30 ditëve të zhvillimit të kampionatit evropian.

Fotografitë janë realizuar në lokacione të ndryshme në Prishtinë duke shfaqur kështu atmosferën që ka mbretëruar përgjatë disa ndeshjeve të kampionatit.