Prishtina fiton ndaj Lipjanit
KB prishtina ka shënuar fitore ndaj Lipjanit me rezultat 94-78, ndeshje e vlefshme për xhiron e 24-të në Superligën e Kosovës në basktboll.
Mysafirët e nisën ndeshjen më mirë, duke e fituar çerekun e parë 13:20. Në periodën e dytë u zhvillua lojë më e barabartë dhe kjo pjesë përfundoi 18:18, duke bërë që pjesa e parë të përfundojë 31:38.
Por, në çerekun e tretë, prishtinasit thellojnë epërsinë dhe rezultati në semafor pas 30 minutash tregonte shifrat 47:67 për kampionët e Kosovës.
Në dhjetë minutat e fundit loja ishte kryesisht e barabartë, megjithatë, Prishtinës nuk iu rrezikua fitorja dhe triumfoi në fund 78:94.
Tamas Bruce edhe kësaj radhe u dallua te Lipjani me 30 pikë e 10 kërcime.
Kurse te Prishtina u dallua Jordan Johnson me 25 pikë.
Lipjani ka një fitore dhe 21 humbje, kurse Sigal Prishtina 16 fitore dhe pesë humbje.
