Foto: Federata e Basketbollit të Kosovës

Peja triumfon ndaj Vllaznisë së Shkodrës

Peja ka mundur Vllazninë e Shkodrës me rezultat 78:67 në Ligën Ballkanike.

Pejanët e nisën ndeshjen më mirë dhe e fituan çerekun e parë me rezultat 23:16. Me lojë të mirë vazhduan edhe në periodën e dytë, duke e fituar 25:19, për të shkuar në pushim me rezultat 48:35.

Lojë më e barabartë u zhvillua në periudhën e tretë, që përfundoi 15:13 për vendësit, derisa ajo e fundit u takoi mysafirëve 15:19.

Sidoqoftë, Peja në fund fitoi me rezultat 78:67, që ishte e dyta në dy ndeshje të zhvilluara në BIBL, derisa humbja e dytë për skuadrën shkodrane.

Te Peja u dalluan Drilon Hajrizi me 22 pikë e gjashtë kërcime, Henrik Sirko me 20 pikë e tetë kërcime dhe Malcolm Armstead me 16 pikë, gjashtë kërcime dhe tetë asistime.

Te mysafirët u dallua Colin James Voss me 19 pikë, pesë kërcime dhe tre asistime.

Do NOT follow this link or you will be banned from the site!