Peja – Trepça derbi i javës në superligën e basketbollit

Peja – Trepça do të jetë derbi i javës së 19-të në Princ Caffe Superligën e Kosovës në basketboll.

‘Shqiponjat’ presin ‘Torcidat’ në palestrën ‘Karagaq’ me fillim nga ora 17:00.

Aktualisht Peja ndodhet në vendin e tretë të renditjes, ndërsa Trepça në vendin e katërt.

Një tjetër duel interesant është edhe ai ndërmjet Yllit të vendit të parë kundër Vëllaznimit të vendit të shtatë në tabelë. Ndeshja fillon në ora 19:00 në Suharekë.

Mbrëmë Sigal Prishtina si vendas mposhti Bashkimin me rezultat 86-68, ndërsa Ponte Prizreni në udhëtim mposhti Rahovecin me rezultat 63-85.