Foto: Maratona e Malësisë/Facebook
Nuk ka sponsorë, anulohet Maratona e Malësisë në Gjakovë
21.8.2019 - 12:53
Edhe pas hyrjes në fuqi të Ligjit për sponsorizime, bizneset dhe korporatat e mëdha po ngurrojnë të bashkohen me organizata sportive.
Një rast i tillë ka ndodhur edhe me Maratonën e Malësisë në Gjakovë, edhe pse interesimi për pjesëmarrje në këtë maratonë është shumë i madh.
Arsyeja pse nuk do të mbahet këtë vit kjo maratonë është sepse nuk ka sponsorë, kanë shkruar organizatorët e kësaj maratone nëpërmjet një njoftimi në rrjetin social Facebook.
Po ashtu, ata kanë kërkuar ndjesë ndaj disa nga vrapuesit që ende nuk kanë pranuar çmimet e vitit të kaluar si dhe kanë thënë se “jemi duke u munduar në maksimum për të kryer këto pagesa”.