Nuhiu: Shfrytëzuam lodhjen e Llapit
11.4.2021 - 18:05
Drita ka shënuar fitore të rëndësishme ndaj Llapit me rezultat 2-4, ndeshje e vlefshme për xhiron e 28-të në Superligën e Kosovës.
Skuadra e drejtuar nga Ardian Nuhiu pas fitores ndaj Llapit ka marrë kreun e tabelës me 61 pikë, tri më shumë se Ballkani që gjendet në vendin e dytë.
Trajneri i gjilanasve, Ardian Nuhiu, ka thënë se e shfrytëzuan lodhjen e Llapit për ta fituar këtë ndeshje.
“Është e vështirë të fitohet në këtë fushë duhet t’i përgëzoj djemtë. Pjesa e parë ishte e barabartë dhe arritëm të rikthenim rezultatin. E shfrytëzuam lodhjen e kundërshtarit në pjesën e dytë për të marrë këtë tre pikë”, u shpreh Nuhiu.