Munishi pas largimit nga Ballkani: Jam shumë krenar për punën time
23.12.2020 - 16:43
Ballkani ka njoftuar se e ka shkarkuar Ismet Munishin nga posti i trajnerit.
Skuadra suharekase e ka falënderuar Munishin për punën e bërë sa ka qenë trajner i kësaj skuadre.
Munishi ka reaguar pasi i ka ndarë rrugët me Ballkanin.
Ai ka shkruar se është shumë krenar për punën që e ka bërë dhe të arriturat e tij me klubin e Ballkanit.
Kujtojmë se në sezonin e kaluar Ballkani i Ismet Munishit shkoi deri në finale të Kupës së Kosovës dhe u mposht nga Prishtina.
Kurse, në kampionat përfundoi në vendin e dytë.
Këto të arritura për Munishin në sezonin e kaluar u vlerësuan arritje të mira nga njohësit e futbollit.