Lojtarët e Kosovës rezultojnë negativ në testet për COVID-19
10.10.2020 - 21:13
Lojtarët e Kombëtares së Kosovës, janë testuar për COVID-19, para ndeshjes ndaj Sllovenisë, e cila luhet në kuadër të Ligës C, të Grupit 3 në Ligën e Kombeve.
Djelmoshat e udhëhequr nga Bernard Challandes, kanë dalë negativ në testet për coronavirus dhe janë të gatshëm për ndeshjen ndaj Sllovenisë.
Kosova sot e ka zhvilluar seancën e fundit stërvitore para takimit të nesërm.
Kosovë – Slloveni, luhet të dielën nga ora 20:45, në stadiumin “Fadil Vokrri”, në Prishtinë.