Letër emocionuese e Vedat Muriqit për tifozët e Fenerbahçes

Vedat Muriqi gjatë ditës së sotme është prezantuar te Lazio, i cili u transferua nga skuadra turke Fenerbahçe.

Sulmuesi i Kombëtares së Kosovës, e kishte plotësuar ëndrrën e tij si futbollist kur kishte nënshkruar kontratë me Fenerbahçen, pasi që i vogël ishte tifoz i kësaj skuadre.

Muriqi përmes një letre emocionuese i ka përshëndetur drejtuesit dhe tifozët e Fenerbahçes.

“Kur erdha te Fenerbahçe, e dija që do të hyja në derën e një klubi shumë të fuqishëm dhe hamendësoja se çfarë mund të më priste. Por, në një familje të lidhur ngushtë me njëri-tjetrin, unë hasa në një dashuri më të madhe nga qe prisja. Gjithmonë kam dëshiruar të bëjë më të mirën time të mundshme për ta shpërblyer këtë dashuri të treguar ndaj meje. Kam përjetuar momente të paharrueshme së bashku me miliona tifozë tanë. Dashuria juaj do të jetë gjithmonë mbështetja dhe forca ime, ndërsa po e filloj këtë aventurë të re dhe po drejtohem drejt objektivave të reja. Krahas presidentit tonë Ali Koç, drejtuesve tanë, shokëve të skuadrës, stafit teknik dhe gjithë stafit të klubit, dua të falënderojë edhe tifozët e mëdhenj të Fenerbaçhes. Ju faleminderit shumë për dashurinë dhe ndjenjat unike që më keni dhuruar dhe përjetuar. Mirëmbetëshi”, ka shkruar Muriqi.

Vedat Muriqi iu bashkua Fenerbahçes në vitin 2019 nga Rizespori për 3.5 milionë euro.