Foto: FBK
Kupa e Kosovës: Rahoveci kalon në gjysmëfinale
03.2.2021 - 19:07
Rahoveci ka triumfuar ndaj Trepçës me rezultat 66-64, në çerekfinalen e Kupës së Kosovës në basketboll e njohur si “Final 8”.
Ndeshjen më mirë e nisën mitrovicasit duke e fituar çerekun e parë me rezultat 5-14.
Në 10 minutëshin e dytë Rahoveci u këndell duke e fituar me rezultat 24-20, për të shkuar në pushim me shifrat 29-34.
Çereku i tretë i takoi vreshtarëve të cilin e fituan me rezultat 24-20.
10 minutëshi i fundit ishte dramatik të cilin e fituan vendasit me rezultat 19-17, për të triumfuar në fund me rezultat 66-64.
Te Rahoveci u dalluan Isaiah Traylor me 18 pikë dhe Arian Qallaku me 15, kurse te Trepça, Drilon Hajrizi me 23 pikë e 12 kërcime.
Rahoveci në gjysmëfinale do të ndeshet me fituesin e takimit Golden Eagle Ylli-Bashkimi.