Kryetari i Gjilanit takon drejtuesit e dy klubeve, diskutojnë për projektin e rregullimit të stadiumit të qytetit
16.12.2021 - 21:33
Kryetari i Komunës së Gjilanit, Alban Hyseni, ka pritur sot në një takim drejtuesit e dy klubeve të Gjilanit, Dritës dhe Gjilanit.
Lajmi është bërë i ditur nga Komuna e Gjilanit.
Në këtë takim midis përfaqësuesve të klubit dhe kryetarit të Komunës është diskutuar për procesin e përfundimit të projektit të rregullimit të stadiumit të qytetit.
“Për këtë projekt jemi në kontakt të vazhdueshëm me ministrin e Kulturës, Rinisë dhe Sportit, në mënyrë që të përfundojë sa më shpejt”, ka thënë kryetari Hyseni.
Edhe përfaqësuesit e klubeve kanë falënderuar kryetarin Hyseni për pritjen, duke shtuar se ky fakt dëshmon seriozitetin dhe dëshirën për përfundimin sa më shpejt të projektit të stadiumit të qytetit.
Derbi i ri në stadiumin e vjetër