Javë e jashtëzakonshme për futbollistët shqiptarë në ligat evropiane
Vikendi që lamë pas ishte i sukseseshëm për futbollistët shqiptarë që luajnë në kampionatet më të mira të Evropës.
Sulmuesi Armando Broja, ndonëse nuk shënoi këtë fundjavë, ishte njëri nga futbollistët më të mirë në barazimin e Southampton 1:1 me Manchester United.
Ndërsa Milot Rashica luajti për 90 minuta në humbjen 4:0 që pësoi Norwich City ndaj kampionëve në fuqi, Manchester City.
Mbrojtësi i kombëtares së Kosovës, Amir Rrahmani luajti për 90 minuta për Napolin në barazimin 1:1 kundër Interit.
Mesfushori i kombëtares së Shqipërisë, Nedim Bajrami ishte pjesë e 11-shtes për Empolin në barazimin 1:1 ndaj Cagliarit. Bajrami ishte edhe asistues i golit, ndërsa paraqitjet e tij po vlerësohet lartë nga ndjekësit e Serie A.
Në Itali, për 90 minuta luajti edhe mbrojtësi i kombëtares shqiptare, Marash Kumbulla në barazimin e Romas me Sassuolon. Në fund të ndeshjes, Mourinho pati fjalë të mëdha për mbrojtësi që nuk e kishte nisur edhe aq mirë sezonin.
Në Spanjë, në ndeshjen Real Sociedat-Granda u përballën në mes vete dy lojtarët me prejardhje shqiptare, Adnan Januzaj për Sociedat dhe Myrto Uzuni për Granadën.
Futbollisti që disa muaj më parë i tha “Po” Kombëtares së Kosovës, Emir Sahiti ka shënuar gol në ndeshjen që ekipi i tij Hajduk Split e fitoi me rezultat 3:1 përball Slaven Belupo.
Sokol Cikalleshi shënoi gol në humbjen e 2:1 të Konyaspor nda Trabzonspor.
Po ashtu edhe futbollisti tjetër shqiptar Admir Mehmedi arriti që të shënonte gol në fitoren që ekipi i tij Antalyasport e fitoi me rezultat 3:0 përball Karagumruk.