Ismet Munishi pas humbjes nga Drita: Jam shumë i kënaqur me ndeshjen dhe me referimin
Ballkani ka pësuar humbje me rezultat 2-1, nga Drita në kuadër të xhiros së 16-të në Superligën e Kosovës.
Pas kësaj humbje skuadra suharekase e ka humbur kreun e tabelës.
Trajneri i Ballkanit, Ismet Munishi ka deklaruar se lojtarët e tij bën lojë të mirë në ndeshjen e sotme.
“Në përgjithësi luajtëm mirë, paraqitje e kënaqshme. Hiq dy episode në të cilat u stërvitëm më së shumti, por nga pakujdesia dhe zotësia e Kastriot Rexhës pësuam”, ka deklaruar Ismet Munishi.
Munishi ka thënë se ndeshje është vendosur nga dy episode dhe është i kënaqur me referimin.
“Vazhdojmë tutje, këto janë ndeshje derbi. Dy episodet e vendosin, duhet të ishim më të vëmendshëm pasi kemi lojtar me përvojë. Por në përgjithësi jam shumë i kënaqur me ndeshjen dhe me referimin”, ka deklaruar Munishi për “Art Sport”.
Drita mposht Ballkanin dhe rrëmben kreun e tabelës