Gjilani mposht me lehtësi Ferizajn
14.6.2020 - 19:13
Gjilani ka shënuar një fitore të rëndësishme si mysafir ndaj Ferizajt, me rezultat 3-0, në kuadër të xhiros së 24-të në Superligë.
Pas barazimit ndaj Trepçës ’89, djelmosha e udhëhequr nga Gentian Mezani kanë bërë paraqitje fantastike ndaj Ferizajt.
Gerahrd Progni i kaloi mysafirët në epërsi në minutën e 2’ pas asistimit nga Muamer Svarka.
Epërsinë e dyfishoi Darko Nikaç në minutën e 30’ pas asistimit nga Fiton Hajdari.
Për rezultatin 3-0, i cili ishte rezultati përfundimtar i ndeshjes, shënoi Fiton Hajdari në minutën e 52’ pas gabimit të Viktor Kukës të Ferizajt.
Pas kësaj fitoreje Gjilani pozicionohet në vendin e katërt me 45 pikë.
Kurse, Ferizaj mbetet në vendin e 10-të me 25 pikë, vend që e dërgon në Ligën e Parë për sezonin e ri.