Gjilani – Feronikeli, mbyllet pa fitues
31.10.2020 - 15:41
Gjilani dhe Feronikeli i kanë ndarë pikët duke barazuar me rezultat 0-0, në derbin e xhiros së 10-të në Superligën e Kosovës.
Skuadra e Gjilanit ishte më këmbëngulëse në pjesën e dytë duke e kërkuar golin e fitores por nuk ia arriti qëllimit. Ndërsa Feronikeli kërkoi të shënonte përmes kundërsulmeve.
Pas këtij barazimi Gjilani pozicionohet në vendin e dytë me 17 pikë.
Kurse, Feronikeli në vendin e gjashtë me 11 pikë.
Në xhiron e ardhshme Gjilani luan vendas ndaj Llapit.
Kurse, Feronikeli e pret Ballkanin në Drenas.