Feronikeli fiton me lehtësi ndaj Vushtrrisë
06.6.2020 - 18:23
Feronikeli ka shënuar fitore të rëndësishme ndaj Vushtrrisë, me rezultat 3-1, ndeshje e vlefshme për xhiron e 23-të në Superligën e Kosovës në futboll.
Nikli e nisi mirë ndeshjen duke kaluar në epërsi në minutën e 9’ me Harmon Gbowean i cili realizoi me kokë.
Epërsinë e dyfishoi për vendasit Mevlan Zeka në minutën e 15’.
Mysafirët e ngushtuan epërsinë me një gol të bukur nga Valmir Azemi nga gjuajtja e lirë në minutën e 45+2’.
Skuadra e drejtuar nga Afrim Toverlani golin e qetësisë e realizoi me kapitenin Lapidar Lladrovci në minutën e 69’.
Pas kësaj fitoreje Feronikeli mbetet në vendin e pestë me 37 pikë.
Kurse Vushtrria mbetet në vendin e 11-të me 16 pikë.
