Drita eliminohet nga Liga e Europës
24.9.2020 - 22:24
Skuadra e Dritës e ka përfunduar aventurën në Ligën e Europës, duke u eliminuar nga rrethi i tretë i kësaj gare pas humbjes me rezultat 2-0, nga Legia Varshava.
Pawel Wszolek i kaloi vendasit në epërsi në minutën e 24’.
Polakët e dyfishuan epërsinë në minutën e 43’ me Pekhartin.
Në pjesën e dytë nuk u shënua asnjë gol, duke përfunduar ndeshja me rezultat 2-0.
Drita është skuadra e vetme kosovare që ka arritur deri në rrethin e tretë të Ligës së Europës, duke hyrë në histori të futbollit kosovar.