Drita e fiton derbin ndaj Prishtinës
08.3.2020 - 16:00
Drita e ka fituar derbin e xhiros së 22-të në Superligën e Kosovës në futboll, ndaj Prishtinës me rezultat 2-1.
Gjilanasit e nisën furishëm ndeshjen duka kaluar në epërsi në minutën e 7’ me sulmuesin Kastriot Rexha, pas një tollovie në zonën e mysafirëve.
Prishtina e barazoi rezultatin në minutën e 75’ me sulmuesin Otto John, falë gabimit të portierit të Dritës, Faton Maloku që i iki topi nga duart.
Golin e fitores për vendasit e shënoi Astrit Fazliu në minutën e 79’.
Pas kësaj fitoreje Drita pozicionohet në vendin e dyte me 43 pikë, një më pak se Ballkani që ka një lojë më pak.
Kurse Prishtina mbetet në vendin e katërt me 41 pikë.