Drenica fiton ndaj Llapit
Drenica ka shënuar fitore me rezultat 4-2, ndaj Llapit në kuadër të xhiros së 33-të në Superligën e Kosovës në futboll.
Vendasit kaluan në epërsi në minutën e 4’ me autogolin e Monin.
Llapi e barazoi rezultatin me sulmuesin Hossar në minutën e 9’.
Pjesa e parë u mbyll me rezultatin 1-1.
Drenica e riktheu epërsinë me Rapon në minutën e 48’.
Osman Mëziu shënoi për 3-1, në minutën e 80’.
Llapi e ngushtoi epërsinë me golin e Sava Gardasheviqit në minutën e 86’.
Një minutë më vonë Gentrit Dumani shënoi për rezultatin përfundimtar 4-2 në minutën e 87’.
Pas kësaj fitoreje Drenica ngjitet në vendin e pestë me 41 pikë.
Kurse, Llapi bie në vendin e gjashtë me 39 pikë.
Në xhiron e ardhshme, Drenica luan si mysafir naj Arbërisë.
Kurse, Llapi e pret në shtëpi Besën e Pejës.