Donjeta Sadiku kalon në gjysmëfinale të turneut ndërkombëtar ‘Stradnja”, në Sofia të Bullgarisë
24.2.2021 - 23:52
Boksierja kosovare Donjeta Sadiku, ka arritur në gjysmëfinale të turneut ndërkombëtar në Stradnja të Bullgarisë.
Sadiku ka mposhtur boksieren ruse Ordina Aleksandrova me rezultat 5-0, në kategorinë deri në 60 kilogramë duke u kualifikuar në gjysmëfinale.
Ndërkaq, boksieri kosovar Besart Piriva u mposht nga ukrainasi, Kost Maxym.
Boksierët tjerë, Patriot Behrami (69 kg) dhe Shpëtim Bajoku (63 kg) pësuan humbje, përkundër se Bajoku me potencialin e shfaqur ka mundur t’i takojë edhe fitorja.
