Denis Haliti e konfirmon për KALLXO.com largimin nga Dukagjini
Skuadra e Dukagjinit nga Klina, e ka mbyllur sezonin vjeshtor në vendin e fundit në Superligën e Kosovës në Futboll, me vetëm tetë pikë nga 17 ndeshje.
Pozita e fundit në tabelë, ka bërë që disa lojtarë të largohen nga kjo skuadër.
Lojtari i fundit që është larguar nga Dukagjini, është Denis Haliti.
Denis Haliti e ka konfirmuar ekskluzivisht për KALLXO.com, se është larguar nga Dukagjini në marrëveshje të dy anshme.
“Sot pas marrëveshjes të dy anshme me drejtorin e klubit e konfirmoj largimin”, ka thënë Haliti ekskluzivisht për KALLXO.com.
Ai ka thënë se ka oferta, por nuk ka preferuar t’i cek ekipet që po i kërkojnë shërbimet e tij.
“Kam oferta, por për shkak të korrektësisë nuk dua ta ceki me emra”, ka thënë Haliti për Kallxo.com.
Kujtojmë se mbrojtësi i krahut të majtë iu bashkua skuadrës së Dukagjinit gjatë afatit kalimtar të verës nga skuadra e Dritës.
Haliti ka qenë kampion i Kosovës me skuadrën e Dritës.
Nga kjo skuadër janë larguar edhe portieri Flamur Neziri dhe mbrojtësi Leotrim Beqiri.