Delegohen gjyqtarët e ndeshjeve të para gjysmëfinale të Kupës së Kosovës
06.4.2021 - 19:14
Ndeshjet e para të gjysmëfinaleve në Kupën e Kosovës do të zhvillohen të mërkurën nga ora 15:00.
Prishtina e pret në shtëpi Llapin, kurse në takimin tjetër takohen skuadrat e Ligës së Parë, Istogu – Dukagjini.
Federata e Futbollit e Kosovës, ka njoftuar se i kanë deleguar gjyqtarët për këto dy ndeshje.
Takimin Prishtina – Llapi, do ta drejtoj Shpëtim Murtezi, i asistuar nga Fatlum Berisha dhe Bujar Selimaj, kurse gjyqtar i katërt do të jetë Selim Isufi.
Genc Nuza do ta ndajë drejtësinë në takimin Istogu – Dukagjini, i asistuar nga Edmond Zeqiri dhe Besnik Morina.