Challandes publikon listën për ndeshjet e tetorit

Selektori i Kombëtares së Kosovës Bernard Challandes sot ka bërë publike listën për dy ndeshjet e Kombëtares së Kosovës për muajin tetor.

Dardanët në muajin tetor e presin dy sfida jo shumë të lehta, fillimisht me datën 9 tetor Kosova udhëton në drejtim të Suedisë për t`u përballur me Kombëtaren Suedeze, ndërsa tre ditë më vonë në Prishtinë pret kombëtaren e Gjeorgjisë.

‘’Stërvitja e parë e Kombëtares së Kosovës zhvillohet gjatë ditës së Hënë’’, thuhet në njoftimin e FFK-së.

Po ashtu pjesë e listës pritet të jetë edhe futbollisti i Vitteses, Toni Domgjoni por që ai duhet fillimisht të marr leje nga FIFA.

Para stërvitjes së ditës së hënë, Challandes pritet që të mbajë një konferencë shtypi në ora 11:00.