Basketboll: Ylli triumfon ndaj Ponte Prizrenit
Golden Eagle Ylli ka shënuar fitore si mysafir ndaj Ponte Prizrenit me rezultat 95-99, në kuadër të xhiros së 15-të në Superligën e Kosovës në basketboll.
Çereku i parë i takoi mysafirëve të cilët e fituan me rezultat 24-26.
Lojë shumë interesante u zhvillua edhe në periudhën e dytë, me shumë kthesa. Mysafirët kishin deri në nëntë pikë epërsi, 33-42, por vendasit të udhëhequr nga Paige rikthehen sërish, derisa pjesa e parë përfundon 53-54. Paige realizoi 23 pikë në pjesën e parë apo 7/7 për tri pikë.
Çereku i tretë u mbyll me epërsinë 76-80 për Yllin.
10 minutat e fundit ishin vendimtar për çështjen e fituesit, duke bërë që Ylli të triumfoj me rezultat 95-99.
Te Ponte Prizreni u dalluan Jeremiah Paige me 29 pikë dhe Divine Myles e Arti Hajdari me nga 20 sosh, kurse te Golden Eagle Ylli u dalluan Erjon Kastrati me 24 pikë e tetë asistime, Mitchell Ëilbekin me 21 pikë dhe Elyjah Clark me 19.
Ponte Prizreni ka dhjetë fitore dhe pesë humbje, kurse Golden Eagle Ylli nëntë fitore dhe gjashtë humbje.