Basketboll, vajzat: Prishtina pëson humbje në Rusi

KBF Prishtina ka pësuar humbjen e pestë në FIBA Euro Cup Women në pesë ndeshje të zhvilluara. Prishtinaset të mërkurën janë mundur në Rusi nga skuadra Sparta & K M. R. Vidnoje me rezultat të thellë  115:42 .

Skuadra vendase prej çerekut të parë ia bëri me dijë Prishtinës se fitorja do të mbetet në Rusi, duke e fituar me rezultat 25-12.

Edhe çereku i dytë ishte fatal për prishtinaset, pasi e humbën me rezultat të thellë 43-12.

Forma e dobët e skuadrës së drejtuar nga Fidan Shatri, pati paraqitje zhgënjyese edhe në dy çerekët e fundit.

Daria Kurilchuk ishte më e mira te skuadra ruse me 30 pikë.

Kurse te skuadra prishtinase u dalluan Nyilah Myers me 13 pikë dhe nëntë kërcime, si dhe Marigona Rushiti me nëntë pikë.

Ndeshjen e fundit Mabetex Prishtina do ta ketë si mysafir ndaj Beshiktashit, duke përmbyllur garat evropiane.