Basketboll: Rahoveci mposht Yllin në Suharekë
Rahoveci ka triumfuar ndaj Yllit si mysafir me rezultat 67-72, në kuadër të xhiros së 21-të në Superligën e Kosovës në basketboll.
Çereku i parë i takoi mysafirëve të cilët e fituan me rezultat 17-21.
Vendasit u këndellën në 10 minutëshin e dytë duke e fituar me rezultat 18-14, për tu mbyllur me rezultat 35-35.
Çereku i tretë po ashtu i takoi vendasve të cilët e fituan me rezultat 17-14.
10 minutëshi i fundit i takoi mysafirëve të cilët e fituan me rezultat 15-23, për të triumfuar në fund me shifrat 67-72.
Te Ylli u dalluan Erjon Kastrati me 19 pikë, Valon Bunjaku me 18 dhe Demetris Morant me 12 pikë e 16 kërcime, kurse te Rahoveci u dalluan Isaiah Traylor me 16 pikë, Arian Qallaku me 14 pikë e 6 kërcime, Alban Veseli me 13 pikë e 6 kërcime dhe Altin Morina me 11 pikë e 9 kërcime.
Golden Eagle Ylli ka 13 fitore dhe shtatë humbje, kurse Rahoveci 13 fitore dhe tetë humbje.
