Basketboll: Prishtina triumfon ndaj Ponte Prizrenit
KB Prishtina ka fituar si mysafir ndaj Ponte Prizrenit me rezultat 85-89, në kuadër të xhiros së pestë në Superligën e Kosovës në basketboll.
Bardhekaltrit nga Prishtina shënuan 18 herë për tri pikë nga 41 tentime, që u ndihmoi shumë në fitoren e dytë në këtë edicion.
Çereku i parë i takoi vendasve të cilët e fituan me rezultat 21-15.
Në çerekun e dytë mysafirët i treguan dhëmbët duke e fituar me rezultat 14-28, duke shkuar në pushim me shifrat 35-43, për Prishtinën.
Çerekun e tretë e nisën më mirë Ponte Prizreni duke e fituar me rezultat 28-23.
Pjesën e fundit mysafirët u reguan më të saktë duke mos e lëshuar fitoren nga duart për ta mbyllur ndeshjen me rezultat 85-89.
Pas pesë xhirove të dy skuadrat kanë nga dy fitore dhe tri humbje.
Te Ponte Prizreni u dalluan Ty Nichols me 22 pikë e tetë asistime, Josh Martin me 20 pikë e 10 kërcime dhe Urim Zenelaj me 18 pikë e 10 kërcime.
Derisa te Prishtina më të mirët ishin Fisnik Rugova me 28 pikë e 10 kërcime, Arian Qallaku me 25 pikë e nëntë asistime dhe Edmond Azemi me 20 pikë.