Basketboll: Prishtina e nis vitin me fitore

Sigal Prishtina e ka nisur vitin me fitore duke e mposhtur Vëllaznimin në udhëtim me rezultat 62-69, në kuadër të xhiros së 13-të në Superligën e Kosovës në basketboll.

Çereku i parë i takoi vendasve të cilët e fituan me rezultat 18-17.

Vendasit ishin më të mirë edhe në 10 minutëshin e dytë duke fituar me rezultat 17-12, për të shkuar në pushim me shifrat 35-29.

Prishtinasit u këndellën në dy çerekët e fundit duke i fituar me rezultat 17-23 dhe 10-17, për të triumfuar në fund me rezultat 62-69.

Te Vëllaznimi u dalluan Cendrik Council me 23 pikë e 11 kërcime, Christopher Hortman me 14 pikë e 15 kërcime dhe Devonte Jackson me 15 pikë e 10 kërcime, kurse te Sigal Prishtina më i miri ishte Daniel Lekndreaj me 22 pikë e gjashtë kërcime.

Pas 13 xhirove, të dy skuadrat i kanë nga katër fitore dhe nëntë humbje.