Basketboll: Bashkimi – Prishtina, finalja e Kupës së Kosovës

Bashkimi dhe Prishtina do të përballen në finalen e Kupës së Kosovës në basketboll, në konkurrencën e vajzave.

Finalja e madhe do të zhvillohet në Suharekë më 7 shkurt në palestrën e Yllit.

Prishtina në gjysmëfinale ndaj Vëllaznimit ka fituar me lehtësi me rezultat 66-89, ndeshje e cila u zhvillua në Gjakovë.

Basketbollistja amerikane Alexis Tolefree udhëhoqi Prishtinën drejt triumfit me 34 pikë të shënuara kurse Enxhi Xhanaj shtoi 20 pikë e 18 kërcime.

Sarah Mgbeike me double-double me 25 pikë e 24 kërcime dhe Raven Baker me 15 pikë të shënuara ishin më efikaset te Vëllaznimi.

Kurse, në gjysmëfinalen tjetër Bashkimi triumfoi në Prizren ndaj Penzës me rezultat 80-76.

Te Bashkimi më e dalluara ishte Lejzaeo Davidson më 36 pikë. Kurse te Penza më efikase ishte amerikanja Gabrielle Cooper me 21 pikë.