Ballkani triumfon ndaj Llapit mes polemikave dhe kacafytjeve
Ballkani e ka fituar derbin e xhiros së 31-të në Superligën e Kosovës ndaj Llapit me rezultat 1-0.
Kjo ndeshje u mbyll me polemika e kacafytje të mëdha që ndodhën në pjesën e parë.
Ballkani kaloi në epërsi në minutën e 30’ pas asistimit të Armend Thaqit.
Në minutën e 32’ të ndeshjes u tensionua ndeshja pas ndërhyrjes së Arbnor Ramadanit ndaj Kushtrim Gashit.
Pas kësaj ndërhyrje u përfshinë futbollistët dhe zyrtarët e të dy skuadrave në kacafytje dhe polemika të shumta.
Gjyqtari i ndeshjes, Besfort Kasumi ndëshkoi me karton të kuq Ahmed Januzin dhe Kushtrim Gashin.
Skuadra e Llapit, ka akuzuar Ballkanin se nuk po e dinë a janë duke luajtur në Suharekë apo në Serbi, përmes faqes zyrtare të klubit.
KËTU MUND TË SHIHNI MOMENTIN E KACAFYTJES.
Në pjesën e dytë Valmir Veliu i Llapit e kishte mundësinë më të mirë për ta barazuar rezultatin duke e goditur shtyllën pingule në minutën e 70’.
Llapi mbeti me 8 lojtarë në fushë, pasi në fundin e takimit Elvis Prençi u ndëshkua me karton të kuq.
Pas kësaj fitoreje Ballkani pozicionohet në vendin ep arë me 67 pikë.
Kurse, Llapi në vendin e pestë me 39 pikë.