Ballkani ndërpret bashkëpunimin me Bekim Isufin
21.12.2021 - 12:23
Klubi futbollistik ‘Fc Ballkani’ ka ndërprerë bashkëpunimin me trajnerin Bekim Isufi.
Kjo u bë e ditur përmes një postimi në facebook nga vetë skuadra të cilët gjithashtu kanë thënë se në ditët në vijim opinioni do të njoftohet me shefin e ri të shtabit teknik.
“Trajnerin e falenderojmë përzemërsisht për punën profesionale dhe kontributin e dhënë në klubin tonë dhe i dëshirojmë shumë suksese në vazhdim”, shkruan Ballkani.
Bekim Isufi ishte zyrtarizuar si trajner i skuadrës Ballkani në qershor të këtij viti. Në të kaluarën, Isufi kishte udhëhequr skuadrën e Dritës dhe Ferizajt.