AC Milan: Mendjen e kemi te vëllezërit dhe motrat tona në Shqipëri
26.11.2019 - 15:12
Ekipi futbollistik italian AC Milan ka reaguar në Twitter pas tërmetit të sotëm në Shqipëri.
AC Milan përmes një publikimi ka thënë se mendjen e kemi në Shqipëri.
“Në këtë kohë tragjike, qëndrojmë me vëllezërit dhe motrat tona në Shqipëri të goditur nga tërmeti katastrofik. Qëndroni të fortë!”, thuhet në publikimin e ekipit.
Gjatë ditës së sotme, mediat shqiptare kanë raportuar për 15 të vdekur si pasojë e tërmetit.
28 persona janë shpëtuar nga rrënojat e pallateve në Thumanë dhe Durrës, por raportohet gjithashtu për një numër të konsiderueshëm njerëzish që kanë mbetur të bllokuar në rrënojat e godinave të shembura në këto zona.