Sot Është Përvjetori i Masakrës së Lubeniqit
Më 1 prill të vitit 1999 në Lubeniq të Pejës, në orët e hershme të mengjesit, njësitë paramilitare serbe nën drejtimin e grupit “Çakejt”, rrethuan dhe më pas hynë në brendi të fshatit.
Pasi i tubuan banorët në qendër të fshatit, ata i ndanë burrat nga gratë dhe më pas i ekzekutuan në mënyrat me çnjerëzore.
Në Lubeniq janë ekzekutuar mbi 80 civilë.
Në mesin e të masakruarve kishte burra, gra dhe fëmijë.
Aty janë ekzekutuar edhe tre të mitur: Muhamet Ukshinaj (18 muajsh), Leonard Alimehaj (7 vjeçar) dhe Fatmir Alimehaj (17 vjeçar, i cili ishte i sëmurë fizikisht). Që të tre ende janë të zhdukur.
Po ashtu, aty është vrarë e masakruar edhe gruaja shtatzënë, Shyhrete Ukshinaj, e cila edhe sot figuron e zhdukur.
Masakra e Lubeniqit konsiderohet si një nga masakrat më makabre të forcave serbe në Kosovë./21Media