Skandali i Drenasit, avokati Gazmend Halilaj mbetet në paraburgim

Burime të KALLXO.com kanë marrë vesh se Gjykata e Prishtinës ka caktuar 30 ditë paraburgim edhe ndaj avokatit Gazmend Halilaj, të dyshuarit të katërt në rastin e vajzës 16 vjeçares nga Drenasi.

Sipas IPK-së, avokati Gazmend Halilaj është arrestuar nën dyshimin se ka kryer veprat penale – keqpërdorim i detyrës zyrtare, keqpërdorim seksual duke keqpërdorur pozitën zyrtare apo profesionin dhe frikësim gjatë procedurës penale.

Pas mbajtjes së seancës për caktimin e masës së paraburgimit, gjyqtari i procedurës paraprake Arben Hoti mori vendim kundrejt kërkesës së Prokurorisë të cilët kërkuan paraburgimin e avokatit.

Seanca për caktimin e masës së sigurisë ishte e mbyllur për publikun dhe mediat.

Përkundër memorandumit bashkëpunues për monitorimin e seancave gjyqësore në mes të BIRN dhe KGjK, nga seanca janë përjashtuar monitoruesit e BIRN-it, dhe janë lejuar që seancën ta monitorojnë vetëm monitoruesit nga EULEX-i dhe OSBE-ja.

Kujtojmë se avokati Halilaj ishte ai i cili e kishte dërguar kallëzimin penal pranë Prokurorisë në lidhje me rastin ndaj 16 vjeçares ndërsa momentalisht edhe ai po hetohet si i dyshuar në këtë çështje.

https://kallxo.com/skandali-i-drenasit-avokati-gazmend-halilaj-sillet-para-gjykates/

https://kallxo.com/avokati-gazmend-halili-u-arrestua-pasi-ngriti-kallezim-penal-ndaj-prokurorit/

https://kallxo.com/avokati-qe-dyshohet-per-keqperdorim-seksual-te-te-mitures-nga-drenasi-del-sot-para-gjykates/

https://kallxo.com/edhe-avokati-dyshohet-per-keqperdorim-seksual-te-vajzes-nga-drenasi/

Dosja e Prokurorisë – E kaluara kriminale e të dyshuarve në rastin e vajzës së mitur nga Drenasi

.