Si i portretizon militantët e partive politike deputeti i AAK-së?

Bekë Berisha, deputet i AAK-së ka përshkruar se si duken sipas tij militantët partiakë të partive në pushtet e atyre në opozitë.

Ai në emisionin ‘Jeta në Kosovë’ ka thënë se militantët e LDK-së duken intelektual, por siç është shprehur, mbështillen në flamurin dardan dhe vajtojnë për Presidentin e ndjerë, Ibrahim Rugova.

Sipas tij “themelin korrupsionit ia kanë vnu LDK-ja dhe PDK-ja”.

“Këta rrin si t ‘çrregullt, rrinë me syza, dokën që janë t’mençëm po s’janë t’mençëm hiç, a aty paret i shtinë n’xhep. Ata pshtjellën me flamur dardan, mërziten për presidentin..”, i ka përshkruar Berisah militantët e LDK-së.

Ndërsa për ata të PDK-së, ka thënë se duken pak më ‘kapadai’, por nuk janë sa duken.

E për militantët e Nismës thotë se janë më të sofistikuar se LDK e PDK.

“Këta i kanë marr më të këqijat e dy palëve… kanë magjistru”, tha ai. Ndërsa për Vetëvendosjen tha se nuk mund të hy shumë në gjynah për ta ngase nuk kanë qenë në pushtet, por sipas tij “qaty ku jon kon i kanë shti nja 300 veta”.

Emisionin ‘Jeta në Kosovë’ mund ta ndiqni në këtë link:

 

www.kallxo.com

13 Dhjetor 2018 - 22:18

Erjonë Popova 13/12/2018 - 22:18
NDËRVEPRIMI0
Prishtina Insight
NA NDIQNI

Send this to a friend