Foto: Ilustrim
Shoferi i Dehur Godet Fëmijën
21.9.2016 - 13:21
Një aksident i rëndë komunikacioni ka ndodhur mbrëmë në fshatin Qabër të Zubin Potokut.
Policia njofton se ka arrestuar të dyshuarin mashkull K-Serb, pasi që i njëjti në gjendje të dehur ishte duke drejtuar automjetin “Audi” me targa lokale dhe me të njëjtin ka shkaktuar aksident trafiku, gjegjësisht ka goditur viktimën mashkull K-Shqiptar, këmbësor, i mitur.
Viktima është dërguar për tretman mjekësor në spitalin e Mitrovicës.
Me urdhër të prokurorit i dyshuari dërgohet në mbajtje.
Sipas Policisë, aksidenti ka ndodhur rreth orës 19:40 dhe rastin po e trajton si ngasje e automjetit në gjendje të dehur.