Zjarr në Malin e Deçanit
Zjarrvënie në Novobërdë dhe Gjilan
Gjatë 24 orëve të fundit në vend kanë ndodhur disa zjarrvënie.
Sipas raportit të policisë, në fshatin Prekoc të Novobërdës, dje rreth orës 12:25 një qytetar dyshohet se pasi kishte ndezur disa shkurre në pronën e tij zjarri ka dalë nga kontrolli duke u përhapur me ç’ rast është ndezur edhe një shtyllë elektrike.
Pas intervenimit të zjarrfikësve zjarri është shuar.
Me vendim të prokurorit pas intervistimit i dyshuari është liruar dhe rasti shkon në procedurë të rregullt.
Një tjetër shkaktim i rrezikut të përgjithshëm nga zjarri ka ndodhur edhe në fshatin Ponesh të Gjilanit.
Sipas policisë, dje rreth orës 16:49, si pasojë e një zjarri që ka shpërthyer për shkaqe të panjohura është përfshirë djegur një sipërfaqe rreth dy hektarë mal pronë shtetërore.
Zjarrfikësit kanë dalë në vendin e ngjarjes dhe e kanë lokalizuar zjarrin.
Javën e kaluar, në mbledhjen e Qeverisë, kryeministri i Kosovës i ka bërë thirrje policisë që të hetojë nëse ka zjarrvënie kriminale.
https://kallxo.com/haradinaj-nxit-policine-te-hetoje-nese-ka-zjarrevenie-kriminale/