Zëvendësministrja: 104 foto për ta bindur Haradinajn

Zëvendësministrja MKRS-së, Burbuqe Bakija – Deva raportit të punës ia ka bashkangjitur mbi 104 foto.

Në raportin 100 ditor të punës së saj, të cilin e ka siguruar KALLXO.com ka listuar aktivitetet e saj, ku secilit takim a punë ia ka bashkangjitur një deri në gjashtë foto. Në total raporti i saj 30 faqësh përmban 104 fotografi.

Ajo është më me fat se shumë koleg të saj, pasi thotë se e ka zëvendësuar ministrin, Kujtim Gashi në 7 mbledhje të Qeverisë.

Po ashtu si punë ka listuar edhe pjesëmarrjen e saj në shënimin e 105 vjetorit të Pavarësisë së Shqipërisë nga Ambasada e Shqipërisë në Kosovë.

Ajo e ka raportuar edhe takimin me Lorik Canën, duke ia ka bashkangjitur edhe një foto.

Bakija – Deva thotë se ka marrë pjesë në konferenca të ndryshme, në tryeza diskutimi e në debate.

Ajo thotë se ka mbështetur ministrin e saj, ka menaxhuar aktivitete e ka monitoruar zbatimin e legjislacionit në fuqi. Po ashtu thotë se ka bashkëpunuar me disa institucione.

KËTU mund të lexoni raportin e plotë të zëvendësministrit Burbuqe Bakija – Deva.

KALLXO.com do të publikojë raportet e punës së zëvendësministrave.

Raporti i radhës do të jetë për zëvendësministrin Resul Makreshi.

Shkrime të tjera nga dosja e zëvendësministrave:

Zëvendësministri: Isha në Novi Pazar e Guci

Zëvendësministri Qazim Rrahmani: Kam zhvilluar një turne nëpër Kosovë

100 ditët e Zëvendësministrit: Ishte tremujor plot ritëm

Raporti i punës: Një memorandum, disa ftesa e agjenda dhe shumë foto

Zëndësministri me katër takime për 100 ditë

Zëvendësministri: Kam marr pjesë në konferencën për media të ministrit Lluka

Zëvendësministri: Më 29 dhjetor ishte darka festive e fundvitit

Zëvendësministri i tregon kryeministrit për kullosat e Kosovës që nga koha e Perandorisë Romake