Zëvendësministri i raporton Haradinajt: Kontaktova me Coca Cola HBC

Zëvendësministri i Mjedisit dhe Planifikimit Hapësinor, Fatmir Matoshi thotë se ka vënë kontakte me përfaqësuesit e një pije jo-alkoolike rreth mundësisë së tyre për të mbështetur projekte që lidhen me ambientin nga kjo kompani. Matoshi, pas dorëheqjes së Albena Reshitaj, është emëruar Ushtrues Detyre i Ministrisë së Mjedisit.

Ai thotë se me vendim të ministres ka mbajtur takime dhe ka qenë bartës i procesit të sigurimit të dokumentacionit rreth zhvillimit të projektit për Prishtinën e Re – Qendra Administrative në Hajvali.

Ushtruesi i detyrës së Ministrin në Ministrin e Mjedisit, Fatmir Matoshi, në raportin 100 ditor të punës së tij dorëzuar Kryeministrit, të cilin e ka siguruar KALLXO.com, thotë se bashkë me ish-ministren, Albena Reshitaj ka qenë në vizitë zyrtare në Shqipëri, ku janë takuar me Presidentin Ilir Meta dhe ministrin, Blendi Klosi.

Më pas Matoshi thotë se e ka përfaqësuar ministrinë edhe në konferenca në Mal të Zi dhe në Turqi.

Në raport thuhet se ai ka punuar edhe në organizimin e takimit të Reshitajt me Kryetarët e Komunave.

KËTU mund të lexoni raportin e plotë të zëvendësministrit Fatmir Matoshi.

KALLXO.com do të publikojë raportet e punës së zëvendësministrave.

Raporti i radhës do të jetë për zëvendësministrin Kurtan Kajtazi.

Shkrime të tjera nga dosja e zëvendësministrave:

Telashet e zëvendësministrit: Mungesa e numrave të telefonave

Zëvendësministri raporton për debate publike e paraqitje nëpër media

Zëvendësministrja: 104 foto për ta bindur Haradinajn

Ankohet zëvendësministri: Nuk kam komunikim me ministrin

Zëvendësministri: Isha në Novi Pazar e Guci

Zëvendësministri Qazim Rrahmani: Kam zhvilluar një turne nëpër Kosovë