Zëvendësministri i raporton Haradinajt: I vizitova 69 ndërtesa

Zëvendësministri i Administratës Publike, Sami Hajdaraj thotë se gjatë 100 ditë pune i ka vizituar edhe 69 ndërtesat qeveritare të cilat i menaxhon MAP.

“.. e që aktualisht menaxhon me 69 ndërtesa duke përfshirë hapësira të brendshme 216,393.76 m2 dhe hapësira të jashtme 213,553.93m2”, thuhet në raportin e tij dërguar Kryeministrit.

Në raportin e punës së Hajdarajt, të cilin e ka siguruar KALLXO.com thuhet se kanë monitoruar unët e mirëmbajtjes në këto ndërtesa qeveritare dhe se janë evidentuar disa problem në mirëmbajtje për shkak të vjetërsisë së ndërtesave e që po mundohen t’I sanojnë.

Si rrjedhojë, zëvendësministri thotë se kanë përgatitur strategjinë e re për akomodim rezidencial të Institucioneve Qeveritare 2018-2020-2025.

“Kemi zhvilluar takime me përfaqësues të RTK-së të cilët kanë kërkuar që parcela 556/5 në sipërfaqe prej 87459 m2 tu mundësohet për një projekt afatgjatë për rialokimin e RTK_së nga Qendra në Lagjen Prishtina e Re, Hajvali”. Thuhet në raport.

Ai thotë se është fokusuar në Departamentin e Standardeve dhe Politikave të Inxhinieringut dhe Menaxhimin e Ndërtesave Qeveritare.

Hajdaraj ka listuar projektet që sipas tij kanë filluar t’i hartojnë dhe ato që kanë përfunduar.

KËTU mund të lexoni raportin e plotë të zëvendësministrit Sami Hajdaraj.

KALLXO.com do të publikojë raportet e punës së zëvendësministrave.

Raporti i radhës do të jetë për zëvendësministrin Beqir Fejzullahu.

Shkrime të tjera nga dosja e zëvendësministrave:

Agim Çeku i raporton Haradinajt: Kam dalë në TV

Zëvendësministri i raporton Haradinajt: Jam taku me Ty!

Fotografi për ta bindur Haradinajn se zëvendësministri punoi

Zëvendësministri i ankohet kryeministrit: Nuk kam bashkëpunim me Ministrin Abelard Tahiri

Zëvendësministri i raporton Haradinajt lajme shpresëdhënëse për Diasporën

Raporti me gabime drejtshkrimore i zëvendësministrit të bujqësisë