Foto: RTV 21
Xhudistet e Kosovës Nisin Mbarë 2018-ën
19.1.2018 - 13:04
Xhudistet Nora Gjakova dhe Distria Krasniqi kanë fituar ndeshjet e para në Grand Prix që po mbahet në Tunis të Tunizisë.
Distria në kategorinë deri 52 kg, triumfoi në rrethin e dytë ndaj Amanl Gannouni të Tunizisë, derisa rrethin e parë e kaloi pa luftë.
Ndërsa Nora Gjakova, në kategorinë deri 57 kg, triumfoi ndaj Nazlicna Ozerler të Turqisë, në rrethin e dytë, derisa të parin e kaloi pa luftë.
Distria Krasniqi dhe Nora e Akil Gjakova janë tre xhudistët që përfaqësojnë Federatën e Xhudos së Kosovës dhe Kosovën në këtë turne.
Bashkë me xhudistët tanë, për në Tunizi ka udhëtuar edhe kryetari i Federatës së Xhudos së Kosovës, Agron Kuka/21Media.