Web-Faqja e Dragashit Ende me Kryetarin e Vjetër
17.1.2018 - 16:11
Edhe pse zyrtarisht, Shaban Shabani është kryetar i Komunës së Dragashit, në web faqe të kësaj Komune, te profili i kryetarit qëndrojnë foto dhe të dhënat e kryetarit të kaluar Salim Jenuzi.
Shabani i PDK-së është zgjedhur kryetar i komunës në zgjedhjet e vitit të kaluar. Balotazhi në Dragash është mbajtur më 19 nëntor ndërsa më 29 nëntor KQZ i kishte certifikuar rezultatet e zgjedhjeve për kryetar të komunave.
Kandidat i PDK-së, për zgjedhjet lokale 2017, ishte përzgjedhur Shaban Shabani edhe pse zgjedhjeve të kaluara kandidat i PDK-s ishte Salim Jenuzi.
Shabani, nuk kishte arritur që ta fitonte raundin e parë të zgjedhjeve.